ໃນພິທີ ທ່ານ ປອ ນາງ ສຸດາພອນ ຄົມທະວົງ ພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວ ແຂວງ ໄດ້ມີຄຳເຫັນ ແລະ ໂອ້ລົມຕໍ່ພິທີ ເຊິ່ງທ່ານໄດ້ເນັ້ນໜັກ ວ່າການຈັດຝຶກອົບຮົມຄັ້ງນີ້ ເພື່ອເປັນການຍົກລະດັບຂີດຄວາມສາມາດຂອງພະນັກງານນໍາທ່ຽວລະດັບແຂວງ ໃຫ້ມີຄວາມຮູ້ຄວາມສາມາດ, ມີຄຸນນະທໍາ ແລະ ມີຈັນຍາບັນ ຮັກໃນອາຊີບດ້ານການບໍລິການ. ເຊິ່ງການຍົກລະດັບຄຸນນະພາບຂອງພະນັກງານນຳທ່ຽວ ແມ່ນມີຄວາມຈຳເປັນພາວະວິໄສ ຕໍ່ຄຸນນະພາບຂອງການທ່ອງທ່ຽວພາຍໃນແຂວງ ໃຫ້ແຂງແຮງຂຶ້ນກວ່າເກົ່າ, ສົມຄູ່ກັບການຂະຫຍາຍຕົວຂອງນັກທ່ອງທ່ຽວໃນແຕ່ລະໄລຍະ; ຮັບປະກັນການເຄື່ອນໄຫວຕາມບົດບາດ, ສິດໜ້າທີ່ຢ່າງເຂັ້ມງວດ ຕາມອົງປະກອບດ້ານຄວາມຮູ້, ຄວາມສາມາດ ແລະ ຄຸນສົມບັດຂອງຜູ້ນຳທ່ຽວ ເພື່ອສ້າງຄວາມປະທັບໃຈໃຫ້ແກ່ນັກທ່ອງທ່ຽວ ພ້ອມທັງກາຍເປັນທູດວັດທະນະທໍາ ແລະ ເປັນຜູ້ນໍາພານັກທ່ອງທ່ຽວທີ່ດີ.

ຊຸດຝຶກອົບຮົມພະນັກງານນຳທ່ຽວ ລະດັບແຂວງ ຄັັ້ງທີ III ນີ້ ມີສໍາມະນາກອນເຂົ້າຮ່ວມຝຶກອົບຮົມ ທັງໝົດ 71 ຄົນ, ຍິງ 30 ຄົນ, ມີ 8 ພາສາ ຄື: ພາສາໄທ, ຈີນ, ອັງກິດ, ຝຣັ່ງ, ເກົາຫຼີ, ສະເປນ, ເຢຍລະມັນ ແລະພາສາຫວຽດນາມ, ເຊິ່ງຈະໃຊ້ເວລາໃນການຝຶກອົບຮົມເປັນເວລາ 18 ວັນຈຶ່ງສໍາເລັດ.

ຂ່າວ: ຈໍາປາ