ທີ່ຕັ້ງ ແລະ ພາລະບົດບາດ ຂອງກອງວິຊາການ ວິທະຍຸ-ໂທລະພາບ

    ສະຖານີ ວິທະຍຸ-ໂທລະພາບແຂວງຫຼວງພະບາງ​​ເປັນກອງວິຊາການທຽບເທົ່າກັບຂະແໜງການອື່ນແມ່ນໂຄງ​ປະກອບ​ກົງ​ຈັກ​ການຈັດ​ຕັ້ງຂອງ​ພະແນກ​ຖະ​ແຫຼ​ງຂ່າວ, ວັດທະນະທຳ ​ແລະທ່ອງ​ທ່ຽວແຂວງ. ມີຊື່ຂຽນ​ເປັນ​ຕົວ​ອັກສອນ​ວ່າ: ສະຖານີ ວິທະຍຸ-ໂທລະພາບແຂວງຫຼວງພະບາງ ຂຽນ​ຫຍໍ້​ວ່າ: (ສວ​ທ​​ພ) ຂຽນ​ເປັນ​ພາສາ​ອັງກິດວ່າ:  Luangprabang Radio -Television station ຂຽນ​ເປັນ​ຕົວ​ອັກສອນ​ຫຍໍ້  (LPBRTV). 

     ເປັນກະບອກສຽງໃຫ້ແກ່ ອົງຄະນະພັກແຂວງຫຼວງພະບາງ ​ໃນ​ການ​ໂຄສະນາ, ​ເຜີຍ​ແຜ່​ແນວທາງ​ນະ​ໂຍບາຍ​ຂອງ​ຂອງ​ພັກ, ຂໍ້​ກຳນົດ, ກົດໝາຍ, ​ແຜນການ, ມະຕິ​ຄຳ​ສັ່ງ​ຕ່າງໆ​ຂອງ​ລັດ, ​ເຫດການ​ທີ່​ພົ້ນ​ເດັ່ນ​ທາງ​ການ​ເມືອງ, ເສດຖະ ກິດ-ສັງຄົມ, ວິ​ທະຍາ​ສາດ, ນຳ​ເອົາ​ສິ່ງ​ທີ່​ກ້າວໜ້າ​ທັງ​ພາຍ​ໃນ​ແລະຕ່າງປະ​ເທດ, ຂໍ້​ມູນ​ຂ່າວສານ, ຄວາມ​ຮູ້, ສາລະ​ບັນ​ເທິງ​ລົງ​ສູ່​ປະຊາຊົນ​ບັນດາ​ເຜົ່າ​ແລະນໍາເອົາ​ຄວາມ​ມຸ້ງ​ມາດ​ປາຖະໜາຂອງປະຊາຊົນ​ບັນດາ​ເຜົ່າ​ຂຶ້ນ​ຫາ​ພັກ​ແລະລັດ.

ຂອບເຂດສິດ

1. ຄົ້ນ​ຄວ້າ ແລະ​ສະ​ເໜີ ຮ່າງ​ຂໍ້​ກຳນົດ, ລະບຽບ​ການ, ຄໍາ​ແນະນຳ​ແລະແຈ້ງ​ການ​ຕ່າງໆ​ກ່ຽວ​ກັບ​ວຽກ​ງານ​ວິທະຍຸ-ໂທລະພາບ​ເພື່ອໃຫ້ຂັ້ນເທິງພິຈາລະນາ;

2. ອອກບົດແນະນຳ, ໜັງສືສະ​ເໜີ, ຢັ້ງຢືນ​ເອກະສານ​ ແລະ ​ແຈ້ງການຕ່າງໆ ທີ່​ພົວພັນ​ເຖິງ​ວຽກງານຂອງຕົນໃຫ້ບັນດາວຽກງານແລະພະນັກງານ-ລັດຖະກອນພາຍໃນວິທະຍຸ-ໂທລະພາບ;

3. ມີ​ສິດ​ຕັດສິນ​ທຸກໆ​ບັນຫາ​ກ່ຽວ​ກັບ​ວຽກ​ງານ​ວິທະຍຸ-ໂທລະພາບ​;

4. ໂຄ​ສະ​ນາ​ເຜີຍ​ແຜ່ ຂໍ້​ມູນ​ຂ່າວ​ສານ​ ທີ່ບໍ່​ຂັດ​ຕໍ່​ກົດ​ໝາຍ​ສື່ມວນ​ຊົນ.

5. ຈັດ​ຕັ້ງ, ຄຸ້ມ​ຄອງ ແລະ​ຊີ້​ນຳ ທຸກ​ການ​ເຄື່ອນ​ໄຫວ​ວຽກ​ງານ ທີ່​ກ່ຽວ​ພັນ​ກັບ ວິ​ທະ​ຍຸ-ໂທ​ລະ​ພາບ.

6. ສ້າງ, ບຳ​ລຸງ, ຍົກ​ລະ​ດັບ​ໃຫ້​ແກ່​ພະ​ນັກ​ງານ​ວິ​ຊາ​ການ, ທາງ​ດ້ານ​ການ​ເມືອງ, ວິ​ຊາ​ສະ​ເພາະ ແລະ​ຈັນ​ຍາ​ບັນ.

7. ຄົ້ນ​ຄວ້າ, ກຳ​ນົດ​ມາດ​ຖານ​ເຕັກ​ນິກ ແລະ​ນຳ​ໃຊ້​ວິ​ທະ​ຍາ​ສາດ, ເຕັກ​ໂນ​ໂລ​ຊີ​ທີ່​ກ້າວ​ໜ້າ, ທັນ​ສະ​ໄໝ ເຂົ້າ​ໃນ​ວຽກ​ງານ​ທີ່​ຮັບ​ຜິດ​ຊອບ.

8. ຕິດຕາມ ​ໃຫ້​ຄຳ​ແນະນຳ​ທາງ​ດ້ານ​​ເນື້ອ​ໃນ, ຮູບ​ແບບ ​ແລະ ຄຸນ​ນະພາ​ບລາຍການ​ຕ່າງໆນັບ​ທັງ​ຂອງ​ພາກ​ລັດ-ເອກະ​ຊົນ, ຊ່ອງ​ລາຍການ​ວິທະຍຸ-ໂທລະພາບ​​ທີ່ໄດ້​ມີ​ການ​ຮ່ວມ​ມື.

9. ຄຸ້ມ​ຄອງ ແລະ ​ສຳ​ເນົາ​ຮູບ​, ພາບການ​ເຄື່ອນໄຫວ, ເຫດ​ການ​ສຳ​ຄັນ​ຂອງ​ພັກ-ລັດ ແລະ​ບຸນ​ປະ​ເພ​ນີ​ຕ່າງໆ ໃນ​ແຕ່​ລະ​ໄລ​ຍະ.

10. ຊີ້​ແຈງ, ສະ​ກັດ​ກັ້ນ ຂໍ້​ມູນ​ຂ່າວ​ສານ​​​ທີ່ບໍ່​ມີ​ມູນ​ຄວາມ​ຈິງ, ທີ່​ບິດ​ເບືອນ​ຕໍ່​ແນວ​ທາງຂອງ​ພັກ, ລະ​ບຽບ​ກົດ​ໝາຍ​ຂອງ​ລັດ.

11. ນຳ​ສະ​ເໜີ​ໃຫ້​ວິທະຍຸຊຸມຊົນ, ຊ່ອງ​ຕ່າງໆຖ່າຍ​ທອດ​ສົດ​ຂ່າວ, ລາຍການ​ສໍາຄັນ​ຕ່າງໆຂອງ​ພັກ-ລັດ​ຈາກ​ວິທະຍຸ-ໂທລະພາບ​;

12. ລົງ​ເກັບ​ກໍາ​ຂໍ້​ມູນ​ຂ່າວສານ​ເພື່ອ​ຜະລິດ​ເປັນ​ລາຍການ​ອອກ​ອາກາດທາງວິທະຍຸ-​ໂທລະພາບ ​ຕາມ​ແນວ​ທາງ​ນະ​ໂຍບາຍ​ຂອງ​ພັກ-ລັດ, ບົນ​ພື້ນຖານລະບຽບ​ກົດໝາຍ​ຂອງ​ສື່​ມວນ​ຊົນ;

13. ເຂົ້າ​ຮ່ວມ​ກອງ​ປະຊຸມ, ສະ​ເໜີ​ຄຳ​ຄິດ​ຄຳ​ເຫັນ​ເຂົ້າ​ໃນ​ທຸກ​ວຽກ​ງານ​ທີ່​ພົວພັນ​ເຖິງ​ວຽກ​ງານ​ວິທະຍຸ-ໂທລະພາບ ຕາມ​ການ​ແບ່ງຂັ້ນນ​ຄຸ້ມ​ຄອງ;

14. ຄຸ້ມ​ຄອງ ​ແລະ ນຳ​ໃຊ້​ງົບປະມານ, ພາຫະນະ, ວັດຖຸ​ອຸປະກອນ​ຮັບ​ໃຊ້​ວິຊາ​ສະ​ເພາະ​ເຂົ້າ​ໃນ​ໜ້າ​ທີ່​ວຽກ​ງານ​ໃຫ້​ມີ​ປະສິດທິ​ຜົນ;

15. ຄົ້ນຄວ້າ​ຊອກ​ຫາ​ລາຍ​ຮັບ​ວິຊາ​ການ ​ແລະ ຄຸ້ມ​ຄອງ​ນຳ​ໃຊ້​ໃຫ້​ຖືກຕ້ອງ​ຕາມ​ລະບຽບ​ຫລັກ​ການ​ທີ່​ຂັ້ນ​ເທິງ​ວາງ​ອອກ;

16. ສະ​ເໜີ​ປັບປຸງ​ການຈັດ​ຕັ້ງ, ຄຸ້ມ​ຄອງ, ນຳ​ໃຊ້ ​ແລະ ປະຕິບັດ​ນະ​ໂຍບາຍ​ຕໍ່​ພະນັກງານ​ພາຍ​ໃນ​ວິທະຍຸ-ໂທລະພາບ.

17. ຮ່ວມ​​ກັບ​ວິທະຍຸ-ໂທລະພາບ ແລະໜັງສືພິມ ກັບ​ບັນດາແຂວງ, ວິທະຍຸ-ໂທລະພາບແຫ່ງຊາດ​ແລະ​ ວິທະຍຸ-ໂທລະພາບ​ເອກະ​ຊົນ, ທີ່​ມີ​ການ​ຮ່ວມ​ມື​ກັນ ​ເພື່ອ​ພັດທະນາ​ເນື້ອ​ໃນ ​ແລະ​ເຕັກນິກ​ວິທະຍຸ-ໂທລະພາບ​ຕາມ​ການ​ຕົກລົງ​ເຫັນ​ດີ​ຂອງ​ຂັ້ນ​ເທິງ;

18. ພົວ​ພັນ ແລະ ​ຮ່ວມ​ມື​ກັບ​ສາ​ກົນ, ເພື່ອນ​ມິດ​ຍຸດ​ທະ​ສາດທາງ​ດ້ານ​ການ​ພັດ​ທະ​ນາວິ​ທະ​ຍຸ-ໂທ​ລະ​ພາບ.

19. ເຊັນ​ສັນຍາ, ບົດ​ບັນທຶກ​ກັບ​ພາຍ​ໃນ ​ແລະ ຕ່າງປະ​ເທດ​ໂດຍ​ການ​ເຫັນ​ດີ​ຈາກ​ທ່ານຫົວໜ້າພະແນກ;

20. ປະຕິບັດ​ສິດ​ອື່ນໆຕາມ​ການ​ມອບ​ໝາຍ​ຂອງ​ຂັ້ນ​ເທິງ.

ໜ້າທີ່ 

1. ຄົ້ນຄວ້າ, ສ້າງແຜນຍຸດທະສາດ, ແຜນການ, ແຜນງານ, ໂຄງການພັດທະນາວິທະຍຸກະຈາຍສຽງ ແລະໂທລະພາບ ໃນແຕ່ລະໄລຍະ

2. ຄົ້ນຄວ້າ, ຮ່າງຂໍ້ຕົກລົງ, ບົດແນະນໍາ, ແຈ້ງການ ແລະ ໜັງສືສະເໜີຕ່າງໆ ທີ່ພົວພັນເຖິງວຽກງານ ວິທະຍຸກະຈາຍສຽງ ແລະ ໂທລະພາບ ໃຫ້ຂັ້ນເທິງພິຈາລະນາ

3. ປັບປຸງເນື້ອໃນ, ຮູບແບບລາຍການ, ຂ່າວ,ບົດ, ວຽກດີຄົນເດັ່ນ, ຮູບພາບ, ເວັບໄຊຂອງວທະຍກະ
ຈາຍສຽງ ແລະ ໂທລະພາບ ໃຫ້ວ່ອງໄວ, ແຫຼມຄົມ, ຫຼາຍຮູບ, ຫຼາຍສີ ເພື່ອເຜີຍແຜ່ໃຫ້ສັງຄົມຮັບຮູ້ ແລະເຂົ້າໃຈຢ່າງກວ້າງຂວາງ

4. ໂຄສະນາ, ເຜີຍແຜ່ແນວທາງນະໂຍບາຍຂອງພັກ, ມະຕິ,ຄໍາສັ່ງ, ກົດໝາຍຂອງລັດ, ແຜນພັດທະນາເສດຖະ ກິດ-ສັງຄົມ, ສະໜອງຂໍ້ມູນຂ່າວສານ ແລະ ຄວາມຮູ້ເຕັກນິກວິທະຍາສາດອັນໃໝ່ໃຫ້ແກ່ສັງຄົມ

5. ອະທິບາຍຊີ້ແຈງບັນຫາ ແລະ ຖ້ອຍທໍານອງບິດເບືອນຄວາມຈິງຂອງກຸ່ມຄົນບໍ່ດີ, ຕ້ານ ແລະ ສະກັດກັ້ນ ປະກົດການຫຍໍ້ທໍ້ຕ່າງໆ ໃຫ້ສັງຄົມຮັບຮູ້ເຂົ້າໃຈ

6. ຍົກລະດັບມາດຖານອຸປະກອນເຕັກນິກຈາກລະບົບອະນາລ໋ອກ ໄປສູ່ລະບົບດີຈີຕອນ ຂອງສະຖານີວິທະຍຸ-ໂທລະພາບ

7. ຕິດຕາມ, ກວດກາ, ເກັບກໍາ, ຄຸ້ມຄອງ, ຂຶ້ນບັນຊີຊັບສົມບັດຄົງທີ່, ພາຫະນະ ແລະ ອຸປະກອນຮັບໃຊ້ວຽກງານຕ່າງໆທາງດ້ານວິຊາການ

8. ຄຸ້ມຄອງ, ຕິດຕາມ, ກວດແກ້ເນື້ອໃນລາຍການຕ່າງໆ ທີ່ຈະກະຈາຍອອກອາກາດ ທາງວິທະຍຸກະຈາຍສຽງ ແລະ ໂທລະພາບ

9. ຂຸດຄົ້ນ ແລະ ຄຸ້ມຄອງ ລາຍຮັບ-ລາຍຈ່າຍ ດ້ານວິຊາການ ມອບພັນທະເຂົ້າງົບປະມານ ຕາມລະບຽບການ

10. ຄົ້ນຄວ້າ, ປະກອບຄໍາຄິດຄໍາເຫັນດ້ານວິຊາການກ່ຽວກັບວຽກງານ ຂອງສະຖານີວິທະຍຸ-ໂທລະພາບ

11. ຄຸ້ມຄອງ ແລະ ນໍາສະເໜີປະຕິບັດນະໂຍບາຍຍ້ອງຍໍ ຕໍ່ພະນັກງານ-ລັດຖະກອນ ຜູ້ທີ່ມີຜົນງານ ແລະ ປະຕິບັດວິໄນ ຕໍ່ຜູ້ລະເມີດລະບຽບກົດໝາຍ

12. ສະຫຼຸບ, ສັງລວມ ແລະ ລາຍງານສະພາບການເຄື່ອນໄຫວວຽກງານຮອບດ້ານ ພ້ອມທັງນໍາເອົາທິດຊີ້ນໍາຂອງຂັ້ນເທິງລົງມາເຜີຍແຜ່ຈັດຕັ້ງປະຕິບັດ

13. ສະໜອງ​ຂໍ້​ມູນ-​ຂ່າວສານ, ສາລະ​ໜ້າ​ຮູ້ ​ແລະ ຄວາມ​ບັນ​ເທີງ​ໃຫ້​ທົ່ວ​ສັງ​ຄົມ, ຢູ່ພາຍໃນແຂວງສົ່ງໃຫ້ວິທະຍຸ​ແລະ ​ໂທລະພາບ​ແຫ່ງ​ຊາດ​ລາວ ​ເປັນ​ປົກກະຕິ, ຄຸ້ມຄອງເກັບກຳສະຖິຕິວຽກງານຮອບດ້ານ ຂອງສະຖານີ​ວິທະຍຸ-​ໂທລະພາບ

14. ສ້າງແຜນເຄື່ອນໄຫວລົງເກັບກຳຂ່າວປະຈຳວັນ, ອາທິດ ແລະ ປະຈຳເດືອນ, ວັນສຳຄັນຕ່າງໆຂອງຊາດ, ຂອງພັກ, ງານບຸນປະເພນີ, ຜົນງານຂອງບັນດາພະແນກການ, ກົມກອງ, ການຜະລິດຕາມລະດູການ ຂອງປະຊາຊົນບັນດາເຜົ່າ ແລະ ສ້າງແຜນ​ຜະລິດ​ລາຍການ, ສາລະ​ຄະດີ, ຮູບ​ເງົາ​ສັ້ນ, ສະປອດ​ໂຄສະນາ ​ເພື່ອ​ໃຫ້ສັງຄົມຮັບຮູ້ຢ່າງ​ກວ້າງຂວາງ

15. ຮ່ວມ​ມື​, ແລກປ່ຽນ​ບົດຮຽນ ​ແລະ ຍາດ​ແຍ່ງ​ເອົາ​ການ​ຊ່ວຍ​ເຫຼືອ ຈາກ​ພາຍ​ໃນ-​ຕ່າງປະ​ເທດ ແລະ ອົງກາ​ນ ຈັດຕັ້ງສາກົນ, ບົນ​ພື້ນຖານ​ການຊີ້​ນໍາ ຂອງ​ຄະນະ​ພະ​ແນ​ກ

16. ປະສານ​ສົມທົບ​ກັບ​ຂະ​ແໜງ​ການ​ທີ່​​ກ່ຽວຂ້ອງ ນັບ​ແຕ່ຂັ້ນ​ສູນ​ກາງຫາທ້ອງ​ຖິ່ນ ​ເພື່ອ​ປັບປຸງ​ວຽກ​ງານ​​ວິຊາ​ສະ​ເພາະ​ວິທະຍຸ-​ໂທລະພາບ ​ໃຫ້​ມີ​ປະສິດທິພາບ ບົນພື້ນຖານການຊີ້ນໍາ ຂອງຄະນະະແນກ

17. ຖ່າຍ​ທອດ​ລາຍການພາກ​ຂ່າວ​ປະ​ຈໍາ​ວັນ ແລະ​ ງານວັນ​ສໍາຄັນ​ຕ່າງໆ ຂອງທ້ອງຖິ່ນ ແລະ ສູນ​ກາງ, ຄົ້ນຄວ້າ​ເນື້ອ​​ໃນລາຍການ​ວິທະຍຸ-​ໂທລະພາບ ເພື່ອສະເໜີຄະນະພະແນກພິຈາລະນາ;

18. ເປັນ​ວິທະຍາກອນ​ຝຶກ​ອົບຮົມ​ວຽກ​ງານ​ຂ່າວ, ລາຍການ, ​ໂຄສົກ ​ແລະ ເຕັກນິກ ​ດ້ານ​ວິທະຍຸ-​ໂທລະພາບ ໃຫ້​ເມືອງ, ພະ​ແນ​ກການ, ກົມ​ກອງ​ ແລະ​ ບາງ​ສະ​ຖາ​ບັນ​ການ​ສຶກສາ​ອ້ອມຂ້າງ​ແຂວງ

19. ປະຕິບັດໜ້າທີ່​ອື່ນໆຕາມ​ການ​ມອບໝາຍຂອງ​ຂັ້ນ​ເທິງ

ໂຄງປະກອບການຈັດຕັ້ງ

ປະກອບມີ 05 ກຸ່ມວຽກ ດັ່ງລຸ່ມນີ້:

1). ກຸ່ມວຽກງານການບໍ​ລິ​ການ ແລະ ການຕະຫລາດ.

2). ກຸ່ມວຽກງານບັນນາທິການຂ່າວ ແລະ ບົດ

3). ກຸ່ມ​ວຽກ​ງານຜະ​ລິດ​ລາຍ​ການວິທະຍຸ-ໂທ​ລະ​ພາບ.

4). ກຸ່ມວຽກງານ ເຕັກນິກ, ສ້ອມ​ແປງ ແລະ ໄອທີ

5.) ກຸ່ມວຽກ ຜະລິດສື່ອອນລາຍ ແລະ ສື່ສິ່ງພິມ

''

ຂໍ້ມູນເພີ້ມເຕີມ >>>

>>> ສະຖານີວິທະຍຸກະຈາຍສຽງ ແຂວງຫຼວງພະບາງ AM: 705 Khz

>>> ໂທລະພາບ ແຂວງຫຼວງພະບາງ